FSMET-TL

Tempu to’o ona atu kna’ar nain iha seitor Maritima, Peska, Energia no Transporte Timor Leste hamutuk atu unifika sira nia unidade, hametin sira nia solidariedade hodi transforma organizasaun sindikatu ida forte, independente, demokratiku, transparante no reprezentativu ho tane’e a’as valores sindikatu nian nune’e bele garantia direitu sira, garantia ba moris ne’ebe diak iha tempu ohin no future, iha ukun rasik a’an nia laran. Kna’ar nain sira hakarak hetan nia direitu fundamentu sira, konaba espresa nia hanoin, halo asosiasaun no halibur malu, no iha garantia hodi hala’o kna’ar iha ambiente ne’ebe mak seguru, saudavel, iha direitu no hetan proteksaun ba sira nia direitu ekonómia no hetan proteksaun husi lei sira iha nia nasaun rasik iha seitor Maritima, Energia, Transporte no Peskas.

Tetu ba importânsia husi eziztensia Federasaun SMET-TL ida forte mak iha loron 27-28 de Agustu 2024 ho suporta maksimu husi Konfederasaun Sindikatu Timor-Leste (KSTL) hari’i hikas fali istoria foun ba Federasaun SMET-TL nia luta, liu husi Kongresu Extra-Ordinariu atu hametin sindikatu ida ho nia autonomia no independênsia iha relasaun ho governu, patraun sira no kualker organizasaun sira seluk ne’ebe iha natureza hanesan.